跟出入稿都跟左成個星期喇，本應唔辛苦，因為為唔洗出好多力，只係抄寫下野，對下野，不過ｄ野好煩咖，要用好多精神去做，都好辛苦咖，原來阿華係咁辛苦的，阿華都放左成個星期假，真係有ｄ掛住佢，快ｄ放完假返黎就好喇，多個人又熱鬧ｄ！！
今個星期其實每日都好累好眼訓，因為近幾日都同個ｆｄ玩ｍｓｎ玩到好夜．．．．哈，不過由於跟ｊｏｂ的關係令我好精神！！都算幾好．．．．星期三，今日好少野做呀，幾難先至做到八點半，星期四仲驚，直頭無野做，本來都想去到八點半，不過好難呀，自己都覺得唔係咁好，最後收左七點幾，

．．．．．．．．．．．．．待．．．．．．．．．．

十一月最後一個星期日
今日我又返工喇，每個星期日無論係返日定係返夜我都無咩所以的，因為大多數時間都無人約我，又無咩做，返工就好最咖喇，不過每次都好似比人厄左咁，有時真係好唔順氣．．．．．

今日遲左起身呀，加上琴晚又好夜先訓．．．．．本來以為會遲過八點半返到公司，點知又好似趕到，最後．．．嗚．．．遲左兩分鐘，唉．．．．咁就無左十五分鐘錢錢喇！
一返到公司就已經唔可以停低食早餐，因為已經有ｊｏｂ都跟喇，今日原定一人一機，最後有一台已經完成晒工作！！我就變左可以唔洗睇機，仲以為可以舒舒服服咁過一日，唉．．．．．仲忙過星期一至六，我又要出入稿，打藍紙，睇下排車出鋅，九點半左右先可以食自己既早餐，今日有個奇景呀，手拼版好多人呀，平時星期日都係一兩隻咖咋，睇落仲以為係閑日，哈哈．．．．食完早餐繼續打我既藍紙，打下停下，到左ｌｕｎｃｈ，師姐請我地出街食飯，好少可見到佢返禮拜呀＾＿＾我地去左一間北京野度食，唔．．．．ｄ野一般咋，不過有人請就算啦，哈哈．．．好飽呀！！

返到去繼續做野，做到三點幾ｄ同事問我要收幾點，由於我係識得最多野既．．．．當然有責任比ｄ新人走，我就叫左佢地收五點半，自己就做到八點半，平時真係唔係好想咖，五點半休息時間，可能真係太累喇，小休變左長眠．．．．．一訓訓到．．．．差唔多七點．．．呵呵！！估唔到最後係無停咁．．．．做到八點半．．．．收工，回家後．．．．玩了一陣ｍｓｎ就好早訓左ｌｕ．．．好累呀！！！不過都玩到點幾．．．．

十一月廿一日

终於都到左今日喇，琴晚好早就訓左，今朝都好早就醒左，第一次做兄弟，而且都唔熟深水埗，好快咁整靚自己後就出門搭車，本來已經早出門，不過塞車用了我很多時間，最後都要九點才到，用左十分鐘食個早餐就去會合阿文，原來阿賢都到左，我跟住佢地行，好快就黎到阿華屋企，上到佢度佢已經準備得七七八八，九點半，我地幾個無咩做，只有等，我就去帶隱形眼鏡！！十點準時出發去接新娘！人人都話接新娘會被玩一會才接到，不過我地就非常順利，我地只要唱兩首歌就可以　ｐａｓｓ，可能因為姊妹們都是新朗的家姐吧！休息一陣，食ｄ野飲ｄ野就回程了，回到去，我地已經唔洗點做，因為佢地最忙，要敬荼比爸媽，我地一班兄弟只好在後樓梯傾計．．．．太約過左一個鐘，時間黎到兩點，我地走去八下，兩點半左加完成．．．．．之後我地就出發去酒樓食飯！！

都唔知算係好彩定唔好彩，ｏ係理個時候落緊大雨，其實上午既時候都有，不過就好細雨．．．．．而家點都好，當然係要梗上啦，我地做兄弟要幫手拎野，雖然有人幫我遮著，不過都係要濕身．．．．．在車上，好累呀，小休一陣，雨越落越大，而我地好快就到左旺角，我地都係要整濕身咁落車，好多謝一位好兄弟，唔理自己濕晒身都遮住我地幾個，ｔｈａｎｋ　ｙｏｕ！！去到酒樓就係我地既ｌｕｎｃｈ　ｔｉｍｅ，食過ｌｕｎｃｈ，我地一班兄弟就去左打麻雀，我就無打呀，始終對賭無咩興趣！！睇佢地打左陣，已經好眼訓．．．．又唔知點好，真係好難頂！！

時間過得好快，已經黎到八點，人越黎越多，而且差不多人齊．．．不過我地仲係好輕鬆，我諗最忙都係影相．．．．．哈哈，今日我真係影左好多相呀！時間到，一對新人要進場喇，我地幾個兄弟一人拎一枝花炮準備，看過細片，我地就用花炮祝賀佢地．．．．．原來枝野好勁咖，比佢打親都幾係野．．．．飲晏開始後新郎同我地都好平安，又唔洗比人玩，來到差不多尾聲，新人同每一圍敬酒之後．．．．我地兄弟就開始忙喇，由於有ｄ同事好少見到我地咁著，所以就同我地影，成班同事一齊影．．．．連攝影師都走黎幫我地影．．．．．理個時候真係好開心，所以來賓走後，只係得返我地幾個兄弟同埋ｄ姊妹，有兩個兄弟好似飲唔夠，就同新郎佢家姐邊玩邊飲，估唔到ｏ理個時候都仲有得玩．．．．．由於開心，我都飲多兩柸，不過這時都差原多了，再飲真係返唔到家，完成所有野後就離開酒樓，佢地有ｄ坐的事，有ｄ坐巴士，而且佢地同我唔到地方，我自己一個人走．．．．好慘呀，落大雨，走左一段路坐巴士回家，好．．累．．．．．．返到屋企好快就訓左．．．．．．．

＊＊＊＊＊＊＊＊＊＊＊＊今日真係好累呀，雖然唔係好多體力勞動，另外，今日真係一個開心既日子，又影左好多相，又飲左好多＊＊＊＊＊＊＊＊＊＊＊＊